سیدنا جابر بن عبداللہ اور سیدنا ابوسعید خدری رضی اللہ عنہما سے روایت ہے، وہ دونوں بیان کرتے ہیں کہ رسول اللہ صلی اللہ علیہ وسلم نے فرمایا: ”غیبت زنا سے بھی زیادہ سنگین گناہ ہے۔“ عرض کیا گیا: وہ کیسے؟ آپ صلی اللہ علیہ وسلم نے فرمایا: ”آدمی زنا کرتا ہے، پھر توبہ کرتا ہے تو اللہ اس کی توبہ قبول فرما لیتا ہے، جبکہ غیبت کرنے والے کی مغفرت اس وقت تک نہیں ہوتی جب تک وہ شخص اسے معاف نہ کر دے جس کی غیبت کی گئی ہو۔“
امام طبرانی رحمہ اللہ فرماتے ہیں: ”اس حدیث کو جریری سے صرف عباد بن کثیر نے روایت کیا ہے، جس کی روایت میں ابورجاء خراسانی منفرد ہیں، اور رسول اللہ صلی اللہ علیہ وسلم سے یہ حدیث صرف اسی سند کے ساتھ مروی ہے۔“ [المعجم الأوسط/باب الميم/حدیث: 6590]