سیدنا بریدہ رضی اللہ عنہ سے روایت ہے کہ نبی صلی اللہ علیہ وسلم نے فرمایا: ”قاضی تین طرح کے ہوتے ہیں: دو قاضی جہنم میں ہوں گے اور ایک قاضی جنت میں۔ وہ قاضی جس نے حق کو جانتے بوجھتے چھوڑ دیا، اور وہ قاضی جس نے لاعلمی میں ناحق فیصلہ کیا اور لوگوں کے حقوق (پامال کرنے) کے سبب ہلاک ہوا، تو یہ دونوں جہنم میں ہوں گے۔ اور وہ قاضی جس نے حق کے مطابق فیصلہ کیا، تو یہ جنت میں ہو گا۔“
امام طبرانی رحمہ اللہ فرماتے ہیں: ”یزید بن عبیدہ سے اس حدیث کو یحییٰ بن حمزہ کے علاوہ کسی نے روایت نہیں کیا، اور اس کی روایت میں محمد بن بکار منفرد ہیں۔“ [المعجم الأوسط/باب الميم/حدیث: 6786]