ام المومنین سیدہ عائشہ رضی اللہ عنہا کی آزاد کردہ خادمہ سیدہ بریرہ رضی اللہ عنہا سے روایت ہے کہ انہوں نے فرمایا: ”میں نے نبی کریم صلی اللہ علیہ وسلم کو دیکھا کہ آپ صلی اللہ علیہ وسلم روزے کی حالت میں اثمد (سرمہ) لگا رہے تھے۔“
امام طبرانی رحمہ اللہ فرماتے ہیں: ”اس حدیث کو ابراہیم بن ابی عبلہ رحمہ اللہ سے صرف مغیرہ بن ابی مغیرہ رحمہ اللہ نے، اور مغیرہ سے صرف محمد بن مہران رحمہ اللہ نے روایت کیا ہے، ابو یوسف صیدلانی رحمہ اللہ اسے روایت کرنے میں منفرد ہیں، اور سیدہ بریرہ رضی اللہ عنہا سے یہ حدیث صرف اسی سند کے ساتھ مروی ہے۔“ [المعجم الأوسط/باب الميم/حدیث: 6911]