سیدنا ابن عباس رضی اللہ عنہما سے روایت ہے کہ انہوں نے فرمایا: ”رسول اللہ صلی اللہ علیہ وسلم عمرے میں مسلسل تلبیہ پکارتے رہے یہاں تک کہ آپ صلی اللہ علیہ وسلم نے حجرِ اسود کا استلام فرمایا۔“
ابراہیم بن طہمان رحمہ اللہ فرماتے ہیں: ”مجھ سے ایوب بن موسیٰ رحمہ اللہ نے عطاء رحمہ اللہ کے واسطے سے، سیدنا ابن عباس رضی اللہ عنہما سے اسی طرح روایت بیان کی ہے۔“
اس حدیث کو ابن ابی نجیح رحمہ اللہ سے صرف ابراہیم بن طہمان رحمہ اللہ نے روایت کیا ہے، اور ان سے اسے روایت کرنے میں حفص بن عبداللہ رحمہ اللہ منفرد ہیں۔ [المعجم الأوسط/باب الميم/حدیث: 6978]