سیدنا ابو ہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”عنقریب دیگر اقوام میری امت کے خلاف (ٹوٹ پڑنے کے لیے) ایک دوسرے کو یوں پکاریں گی جیسے کھانے والے «ثريد» کے پیالے پر ایک دوسرے کو بلاتے ہیں۔“
امام طبرانی رحمہ اللہ فرماتے ہیں: ”اس حدیث کو اسماعیل رحمہ اللہ سے صرف عبدالعزیز رحمہ اللہ نے روایت کیا ہے، اور عبدالعزیز رحمہ اللہ سے صرف مؤمل رحمہ اللہ نے، جبکہ محمود رحمہ اللہ اسے بیان کرنے میں منفرد ہیں۔“ [المعجم الأوسط/باب الميم/حدیث: 7215]