محمد بن عمار رحمہ اللہ بیان کرتے ہیں کہ میں نے سیدنا عمار بن یاسر رضی اللہ عنہ کو دیکھا کہ انہوں نے مغرب کے بعد چھ رکعتیں پڑھیں، تو میں نے عرض کیا: ”اے اباجان! یہ کیسی نماز ہے؟“ انہوں نے فرمایا: ”میں نے اپنے محبوب رسول اللہ صلی اللہ علیہ وسلم کو دیکھا کہ آپ صلی اللہ علیہ وسلم نے مغرب کے بعد چھ رکعتیں پڑھیں اور فرمایا: ”جو شخص مغرب کے بعد چھ رکعتیں پڑھے، اس کے گناہ بخش دیے جاتے ہیں اگرچہ وہ سمندر کی جھاگ کے برابر ہی کیوں نہ ہوں۔““
امام طبرانی رحمہ اللہ فرماتے ہیں: ”یہ حدیث سیدنا عمار رضی اللہ عنہ سے صرف اسی سند کے ساتھ مروی ہے، اور صالح بن قطن اس کی روایت میں منفرد ہیں۔“ [المعجم الأوسط/باب الميم/حدیث: 7245]