سیدنا صہیب رضی اللہ عنہ سے روایت ہے کہ انہوں نے فرمایا: ”ہم نے رسول اللہ صلی اللہ علیہ وسلم کے ساتھ عشاء کی دو نمازوں میں سے ایک ادا کی، تو جب آپ صلی اللہ علیہ وسلم (نماز سے) فارغ ہوئے تو ہماری طرف اپنا چہرہ مبارک کر کے مسکراتے ہوئے متوجہ ہوئے اور فرمایا: ”کیا تم مجھ سے نہیں پوچھو گے کہ میں کس وجہ سے مسکرایا؟“ صحابہ نے عرض کیا: اللہ اور اس کا رسول صلی اللہ علیہ وسلم بہتر جانتے ہیں۔ آپ صلی اللہ علیہ وسلم نے فرمایا: ”میں نے مسلمان بندے کے حق میں اللہ تعالیٰ کے فیصلے پر تعجب کیا ہے، یقیناً اللہ اس کے لیے جو بھی فیصلہ فرماتا ہے وہ بہتر ہی ہوتا ہے، اور اللہ کا ہر فیصلہ سوائے مسلمان بندے کے (کسی اور کے لیے) سراسر خیر نہیں ہوتا۔““
امام طبرانی رحمہ اللہ فرماتے ہیں: ”اس حدیث کو یونس بن عبید رحمہ اللہ سے صرف عبدالحکیم بن منصور رحمہ اللہ نے روایت کیا ہے، اور عمار بن خالد رحمہ اللہ اس (روایت) کے ساتھ منفرد ہیں۔“ [المعجم الأوسط/باب الميم/حدیث: 7390]