سیدنا انس بن مالک رضی اللہ عنہ سے روایت ہے کہ رسول اللہ صلی اللہ علیہ وسلم کی خدمت میں ایک پیالہ — یا فرمایا ایک بڑا پیالہ — لایا گیا جس میں دودھ اور شہد تھا، تو آپ صلی اللہ علیہ وسلم نے فرمایا: ”ایک ہی برتن میں دو سالن؟ میں اسے نہیں کھاؤں گا اور نہ ہی میں اسے حرام قرار دیتا ہوں۔“
امام طبرانی رحمہ اللہ فرماتے ہیں: ”شعیب بن حبحاب رحمہ اللہ سے یہ دو احادیث صرف ان کے بیٹے عبد السلام رحمہ اللہ نے روایت کی ہیں، اور ان سے عبد القدوس رحمہ اللہ اپنے والد سے روایت کرنے میں منفرد ہیں۔“ [المعجم الأوسط/باب الميم/حدیث: 7404]