ام المومنین سیدہ عائشہ رضی اللہ عنہا بیان کرتی ہیں کہ رسول اللہ صلی اللہ علیہ وسلم نے خیبر فتح کیا تو اسے اس کے باشندوں یعنی یہودیوں کو آدھی پیداوار کی شرط پر دے دیا۔ پھر جب پھل پک گیا تو آپ صلی اللہ علیہ وسلم نے ان کی طرف سیدنا عبداللہ بن رواحہ رضی اللہ عنہ کو بھیجا۔ انہوں نے کہا: ”مجھ سے ساٹھ وسق کھجوریں لے لو اور جو کچھ درختوں کے اوپر ہے وہ ہمارا ہوگا۔“ یہودیوں نے کہا: ”تب تو تم ہمارے ساتھ ظلم کرو گے۔“ انہوں نے کہا: ”اچھا، پھر تم مجھے ساٹھ وسق دے دو اور جو کچھ درختوں کے اوپر ہے وہ تمہارا ہوگا۔“ تو یہودیوں نے کہا: ”اسی (عدل) کے ساتھ آسمان و زمین قائم ہیں اور اسی کی بدولت تمہاری مدد کی جائے گی۔“
امام طبرانی رحمہ اللہ فرماتے ہیں: ”اس حدیث کو ہشام بن عروہ سے عکرمہ کے سوا کسی نے روایت نہیں کیا، اور اس کی روایت میں حسین بن حفص منفرد ہیں۔“ [المعجم الأوسط/باب الميم/حدیث: 7565]