سیدہ عائشہ رضی اللہ عنہا سے روایت ہے کہ سیدنا بلال رضی اللہ عنہ نبی کریم صلی اللہ علیہ وسلم کے پاس صبح کی نماز کی اطلاع دینے آئے تو آپ صلی اللہ علیہ وسلم کو سویا ہوا پایا، چنانچہ انہوں نے کہا: ”نماز نیند سے بہتر ہے۔“ پھر یہ کلمات صبح کی اذان میں برقرار رکھے گئے۔
امام طبرانی رحمہ اللہ فرماتے ہیں: ”اس حدیث کو زہری سے صالح بن ابی الاخضر کے سوا کسی نے روایت نہیں کیا، اور صالح سے عمرو بن صالح کے سوا کسی نے روایت نہیں کیا، اس میں عامر بن ابراہیم منفرد ہیں۔“ [المعجم الأوسط/باب الميم/حدیث: 7583]