سیدنا انس بن مالک رضی اللہ عنہ نبی کریم صلی اللہ علیہ وسلم سے روایت کرتے ہیں کہ ایک آدمی (کہیں) گیا تو اس نے اپنی بیوی کو حکم دیا کہ وہ اپنے گھر سے باہر نہ نکلے۔ اس عورت کا والد مکان کے نچلے حصے میں رہتا تھا اور وہ خود اوپر والے حصے میں تھی۔ اس کا والد بیمار ہو گیا تو اس نے نبی صلی اللہ علیہ وسلم کی خدمت میں پیغام بھیجا اور آپ صلی اللہ علیہ وسلم سے یہ صورتِ حال بیان کی۔ آپ صلی اللہ علیہ وسلم نے فرمایا: ”اپنے شوہر کی اطاعت کرو۔“ پھر اس کا والد فوت ہو گیا تو اس نے دوبارہ نبی صلی اللہ علیہ وسلم کو پیغام بھیجا، آپ صلی اللہ علیہ وسلم نے پھر فرمایا: ”اپنے شوہر کی اطاعت کرو۔“ پھر نبی صلی اللہ علیہ وسلم نے اس کی طرف پیغام بھیجا: ”اللہ تعالیٰ نے اس کے والد کو اس کی اپنے شوہر کی اطاعت کی وجہ سے بخش دیا ہے۔“
(راوی کے نام کے بارے میں) دار الحرمین کے مطبوعہ نسخے میں اسی طرح ہے، جبکہ درست «ثابت البنانی» ہے۔ [المعجم الأوسط/باب الميم/حدیث: 7648]