سیدنا عبداللہ بن عباس رضی اللہ عنہما بیان کرتے ہیں: نبی اکرم صلی اللہ علیہ وسلم نے چار فرسخ (راوی کو شک ہے شاید یہ الفاظ ہیں:) دو فرسخ کے فاصلے پر موجود بستی والوں کو پیغام بھیجا یہ عاشوراء کے دن کی بات ہے آپ نے یہ حکم دیا کہ جس نے کچھ کھا لیا ہے وہ باقی دن میں کچھ نہ کھائے اور جس نے کچھ نہیں کھایا ہے وہ باقی دن میں روزے کو مکمل کرے۔
یہ روایت امام أحمد نے اور امام طبرانی نے معجم کبیر میں نقل کی ہے۔ اس کی سند میں ایک راوی جابر جعفی ہے، جسے شعبہ اور ثوری نے ”ثقہ“ قرار دیا ہے، اور اس کے بارے بہت زیادہ کلام کیا گیا ہے۔ [مجمع الزاوئد ومنبع الفوائد/كتاب الصيام/حدیث: 5109]