سیدنا جابر رضی اللہ عنہ کہتے ہیں: جو شخص تمہیں یہ بتائے کہ رسول اللہ صلی اللہ علیہ وسلم منبر پر بیٹھ کر لوگوں کو خطبہ دیتے تھے تو اسے جھٹلا دو۔ سیدنا جابر رضی اللہ عنہ نے کہا: اور میں خود گواہ ہوں کہ آپ صلی اللہ علیہ وسلم کھڑے ہو کر خطبہ دیتے، پھر بیٹھ جاتے، پھر کھڑے ہو کر دوسرا خطبہ دیتے۔ راوی کہتے ہیں: میں نے پوچھا: آپ صلی اللہ علیہ وسلم کا خطبہ کیسا ہوتا تھا؟ انہوں نے کہا: ”وہ ایسا کلام ہوتا جس سے آپ صلی اللہ علیہ وسلم لوگوں کو نصیحت کرتے اور کتاب اللہ کی آیات پڑھتے، اور وہ میانہ روی پر ہوتا، اور آپ صلی اللہ علیہ وسلم کی نماز بھی میانہ روی پر ہوتی، تقریباً سورۃ ”والشمس وضحاھا“ اور سورۃ ”والسماء والطارق“ جتنی، سوائے فجر اور ظہر کی نماز کے۔ سیدنا بلال رضی اللہ عنہ سورج ڈھلتے ہی اذان دیتے تھے، اور بسا اوقات اقامت میں تھوڑی تاخیر کر دیتے اور بسا اوقات جلدی کر دیتے، لیکن اذان وقت سے نہیں ہٹتی تھی۔ عصر تقریباً اسی طرح جیسے تم پڑھتے ہو، مغرب بھی تقریباً اسی طرح، اور عشاء کی نماز تمہاری نماز سے تھوڑی تاخیر سے پڑھتے تھے۔“ [المعجم الكبير للطبراني/باب الجيم/حدیث: 2038]