منصور کلبی رحمہ اللہ بیان کرتے ہیں کہ سیدنا دحیہ بن خلیفہ رضی اللہ عنہ اپنی بستی دمشق کی مزہ سے رمضان میں (سفر پر) نکلے، قریہ عقبہ کی مسافت تک پہنچے، پھر روزہ افطار کر لیا اور لوگوں نے بھی ان کے ساتھ افطار کیا جبکہ بعض نے افطار کرنا ناپسند کیا۔ جب وہ اپنی بستی لوٹے تو فرمایا: ”اللہ کی قسم! آج میں نے ایک ایسی بات دیکھی جس کا مجھے گمان بھی نہ تھا کہ میں دیکھوں گا: کچھ لوگوں نے رسول اللہ صلی اللہ علیہ وسلم اور آپ کے صحابہ کے طریقے سے منہ موڑ لیا“ — یہ بات وہ روزہ رکھنے والوں کے بارے میں کہہ رہے تھے۔ پھر اسی موقع پر فرمایا: ”اے اللہ! مجھے اپنی طرف اٹھا لے۔“ [المعجم الكبير للطبراني/باب الدال/حدیث: 4182]