حضرت عبداللہ بن جعفر رضی اللہ عنہما سے روایت ہے، انہوں نے فرمایا کہ رسول اللہ صلی اللہ علیہ وسلم نے (حضرت جعفر طیار رضی اللہ عنہ کی شہادت کے موقع پر) تین دن تک تو حضرت جعفر رضی اللہ عنہ کی اولاد کو کچھ نہ کہا بلکہ تشریف بھی نہ لائے، پھر ان کے پاس تشریف لائے تو فرمایا: ”تم آج کے بعد میرے بھائی پر نہ رونا۔“ پھر فرمایا: ”میرے بھتیجوں کو میرے پاس لاؤ۔“ ہمیں آپ صلی اللہ علیہ وسلم کے پاس لایا گیا تو ہم چوزوں کی طرح (چھوٹے چھوٹے) تھے، فرمایا: ”حجام کو میرے پاس بلاؤ۔“ پھر آپ صلی اللہ علیہ وسلم نے اسے ہمارے سر مونڈنے کا حکم دیا۔ یہ روایت مختصر ہے۔ [سنن نسائي/كتاب الزاينة (من المجتبى)/حدیث: 5229]