سیدنا عمران بن حصین رضی اللہ عنہ کہتے ہیں: ایک رات نبی صلی اللہ علیہ وسلم سو گئے، جب سورج طلوع ہوا تو وہ جاگے تو اٹھے اور اپنی سواری پر سوار ہو کر تھوڑا سا چل کر آگے آ کر اترے، پھر مؤذن کو کہا تو اس نے اذان کہی اور اقامت کہی، تو آپ صلی اللہ علیہ وسلم نے نماز ادا فرمائی۔ ایک آدمی علیحدہ بیٹھا ہوا تھا، آپ صلی اللہ علیہ وسلم نے اس سے پوچھا: ”ہمارے ساتھ نماز پڑھنے سے تجھے کون سی چیز مانع تھی؟“ اس نے کہا: اے اللہ کے رسول! میں جنبی ہو گیا تھا اور ہمارے پاس پانی نہیں تھا۔ آپ صلی اللہ علیہ وسلم نے فرمایا: ”پاک مٹی سے تیمم کر کے نماز ادا کرو، اور جب تم پانی کے پاس آؤ تو غسل کر لو۔“ [معجم صغير للطبراني/كِتَابُ الطَّهَارَة/حدیث: 128]