سیدنا علی بن ابی طالب رضی اللہ عنہ سے مروی ہے کہ انہوں نے کہا کہ فحش باتیں کرنے والا اور اس کو پھیلانے والا دونوں کے گناہ برابر ہیں۔ [صحيح الادب المفرد/حدیث: 247]

شبیل بن عوف سے روایت ہے کہ انہوں نے کہا یہ کہا جاتا کہ جس شخص نے کوئی فحش بات سنی اور اسے پھیلا دیا تو وہ بھی اس معاملے میں ویسا ہی ہے جیسے اس نے خود اس کی ابتدا کی۔ [صحيح الادب المفرد/حدیث: 248]

عطاء سے مروی ہے کہ وہ خیال کرتے تھے جو آدمی زنا یعنی بےحیائی کے کاموں کی نشر و اشاعت کرے اسے سزا دینی چاہیے۔ [صحيح الادب المفرد/حدیث: 249]