ابن عباس رضی اللہ عنہما بیان کرتے ہیں کہ اس دوران کہ جبریل علیہ السلام نبی صلی ‌اللہ ‌علیہ ‌وآلہ ‌وسلم کے پاس بیٹھے ہوئے تھے کہ انہوں نے اپنے سر کے اوپر سے ایک زور دار آواز سنی، تو انہوں نے اپنا سر اٹھایا اور فرمایا: یہ آسمان سے پہلی مرتبہ ایک دروازہ کھلا ہے اور اس سے ایک فرشتہ نازل ہوا ہے، جبریل علیہ السلام نے فرمایا: یہ جو فرشتہ زمین کی طرف نازل ہوا ہے، اس سے پہلے کبھی نازل نہیں ہوا ہے، اس نے سلام عرض کیا اور کہا: آپ کو دو نوروں کی خوشخبری ہو جو آپ ہی کو عطا کیے گئے ہیں، آپ سے پہلے کسی نبی کو نہیں دیے گئے؛ سورہ فاتحہ اور سورہ بقرہ کی آخری (تین) آیات، آپ (اور آپ کے متبعین) ان دونوں میں سے جو حرف (دعا) پڑھیں گے وہ آپ کو عطا کر دیا جائے گا۔ (رواہ مسلم) [مشكوة المصابيح/كتاب فضائل القرآن/حدیث: 2124]