ابن عباس رضی اللہ عنہما بیان کرتے ہیں کہ مشرک کہا کرتے تھے: «لَبَّيْكَ لَا شَرِيكَ لَكَ» ”ہم حاضر ہیں، تیرا کوئی شریک نہیں“، تو رسول اللہ صلی ‌اللہ ‌علیہ ‌وآلہ ‌وسلم فرماتے: ” «وَيْلَكُمْ، قَدْ قَدْ» تم پر افسوس ہے، بس بس اتنا ہی کہو۔“ (پھر وہ مشرک کہتے) مگر تیرا وہ شریک ہے جس کا تو مالک ہے اور (اس چیز کا بھی تو مالک ہے) جس کا وہ مالک ہے۔ اور وہ بیت اللہ کا طواف کرتے وقت یہ کہا کرتے تھے۔ (رواہ مسلم) [مشكوة المصابيح/كتاب المناسك/حدیث: 2554]