سعد رضی اللہ عنہ بیان کرتے ہیں کہ ہم چھ افراد نبی صلی ‌اللہ ‌علیہ ‌وآلہ ‌وسلم کے ساتھ تھے، مشرکین نے نبی صلی ‌اللہ ‌علیہ ‌وآلہ ‌وسلم سے کہا کہ ان لوگوں کو یہاں سے دور کر دیں تاکہ یہ ہماری موجودگی میں آنے کی جرأت نہ کریں، راوی بیان کرتے ہیں کہ (ان میں) میں، ابن مسعود رضی اللہ عنہ، ہذیل قبیلے کا ایک آدمی، بلال رضی اللہ عنہ اور دو آدمی اور تھے جن کا میں نام نہیں لیتا، اللہ نے جو چاہا رسول اللہ صلی ‌اللہ ‌علیہ ‌وآلہ ‌وسلم کے دل میں خیال آیا اور آپ صلی ‌اللہ ‌علیہ ‌وآلہ ‌وسلم نے اپنے دل میں کوئی بات سوچی تو اللہ تعالیٰ نے یہ آیت نازل فرمائی: ﴿وَلَا تَطْرُدِ الَّذِينَ يَدْعُونَ رَبَّهُم بِالْغَدَاةِ وَالْعَشِيِّ يُرِيدُونَ وَجْهَهُ﴾ [سورة الأنعام: 52] ”آپ ان لوگوں کو دور نہ کریں جو صبح و شام اپنے رب کو، اس کی رضا مندی کے حصول کے لیے پکارتے رہتے ہیں۔“ رواہ مسلم۔ [مشكوة المصابيح/كتاب المناقب/حدیث: 6202]