اللؤلؤ والمرجان سے متعلقہ
تمام کتب
ترقیم شاملہ
عربی
اردو
277. في التكبير على الجنازة
باب: نماز جنازہ میں تکبیروں کا بیان
حدیث نمبر: 555
555 صحيح حديث أَبِي هُرَيْرَةَ رضي الله عنه، أَنَّ رَسُولَ اللهِ نَعَى النَّجَاشِيَّ فِي الْيَوْمِ الَّذِي مَاتَ فِيهِ، خَرَجَ إِلَى الْمُصَلَّى فَصَفَّ بِهِمْ وَكَبَّرَ أَرْبَعًا
سیدنا ابوہریرہ رضی اللہ عنہ نے بیان کیا کہ نجاشی کی وفات کی اسی دن خبر دے دی تھی جس دن ان کا انتقال ہوا تھا، آپ صلی اللہ علیہ وسلم نماز پڑھنے کی جگہ تشریف لے گئے، پھر صف بندی کر کے چار تکبیریں کہیں۔ [اللؤلؤ والمرجان/كتاب الجنائز/حدیث: 555]
تخریج الحدیث: «صحیح، أخرجه البخاري في: 23 كتاب الجنائز: 4 باب الرجل ينعى إلى أهل الميت بنفسه»
الحكم على الحديث:
«صحیح»
حدیث نمبر: 556
556 صحيح حديث أَبِي هُرَيْرَةَ رضي الله عنه، قَالَ: نَعَى لَنَا رَسُولُ اللهِ صَلَّى اللهُ عَلَيْهِ وَسَلَّمَ النَّجَاشِيَّ، صَاحِبَ الْحَبَشَةِ، الْيَوْمَ الَّذِي مَاتَ فِيهِ، فَقَالَ: اسْتَغْفِرُوا َلأخِيكُمْ
سیدنا ابوہریرہ رضی اللہ عنہ نے روایت کیا کہ نبی کریم صلی اللہ علیہ وسلم نے ہمیں حبشہ کے نجاشی کی وفات کی خبر دی، اسی دن جس دن اس کا انتقال ہوا تھا، آپ صلی اللہ علیہ وسلم نے فرمایا: ”اپنے بھائی کے لیے خدا سے مغفرت چاہو۔“ [اللؤلؤ والمرجان/كتاب الجنائز/حدیث: 556]
تخریج الحدیث: «صحیح، أخرجه البخاري في: 23 كتاب الجنائز: 61 باب الصلاة على الجنائز بالمصلى والمسجد»
الحكم على الحديث:
«صحیح»
حدیث نمبر: 557
557 صحيح حديث جَابِرٍ رضي الله عنه، أَنَّ النَّبِيَّ صَلَّى اللهُ عَلَيْهِ وَسَلَّمَ صَلَّى عَلَى أَصْحَمَةَ النَّجَاشِيِّ، فَكَبَّرَ أَرْبَعًا
سیدنا جابر رضی اللہ عنہ نے بیان کیا کہ نبی کریم صلی اللہ علیہ وسلم نے اصحمہ نجاشی کی نماز جنازہ پڑھائی تو چار تکبیریں کہیں۔ [اللؤلؤ والمرجان/كتاب الجنائز/حدیث: 557]
تخریج الحدیث: «صحیح، أخرجه البخاري في: 23 كتاب الجنائز: 65 باب التكبير على الجنازة أربعاً»
الحكم على الحديث:
«صحیح»
حدیث نمبر: 558
558 صحيح حديث جَابِرِ بْنِ عَبْدِ اللهِ، قَالَ: قَالَ النَّبِيُّ صَلَّى اللهُ عَلَيْهِ وَسَلَّمَ: قَدْ تُوُفِّيَ الْيَوْمَ رَجُلٌ صَالِحٌ مِنَ الْحَبَشِ، فَهَلُمَّ فَصَلُّوا عَلَيْهِ قَالَ: فَصَفَفْنَا، فَصَلَّى النَّبِيُّ صَلَّى اللهُ عَلَيْهِ وَسَلَّمَ عَلَيْهِ، وَنَحْنُ صُفُوفٌ
سیدنا جابر بن عبداللہ رضی اللہ عنہما نے فرمایا کہ نبی کریم صلی اللہ علیہ وسلم نے فرمایا: ”آج حبش کے ایک مردِ صالح (نجاشی حبش کا بادشاہ) کا انتقال ہو گیا ہے، آؤ اس کی نمازِ جنازہ پڑھو۔“ سیدنا جابر رضی اللہ عنہما نے بیان کیا کہ پھر ہم نے صف بندی کر لی اور نبی کریم صلی اللہ علیہ وسلم نے ان کی نمازِ جنازہ پڑھائی اور ہم صف باندھے کھڑے تھے۔ [اللؤلؤ والمرجان/كتاب الجنائز/حدیث: 558]
تخریج الحدیث: «صحیح، _x000D_ أخرجه البخاري في: 23 كتاب الجنائز: 55 باب الصفوف على الجنازة»
وضاحت: ان احادیث سے میت غائب پر نماز جنازہ غائبانہ پڑھنا ثابت ہوا۔امام شافعی رحمہ اللہ اور امام احمد رحمہ اللہ اور اکثر سلف کا یہی قول ہے۔ علامہ ابن حزم رحمہ اللہ کہتے ہیں کہ کسی صحابی سے اس کی ممانعت ثابت نہیں۔(راز)
الحكم على الحديث:
«صحیح»