سیدنا ابن مسعود رضی اللہ عنہما نے فرمایا کہ ایک شخص نے کسی غیر عورت کا بوسہ لے لیا اور پھر نبی کریم صلی اللہ علیہ وسلم کی خدمت میں آیا اور آپ صلی اللہ علیہ وسلم کو اس حرکت کی خبر دے دی، اس پر اللہ تعالیٰ نے یہ آیت نازل فرمائی: ﴿وَأَقِمِ الصَّلَاةَ طَرَفَيِ النَّهَارِ وَزُلَفًا مِنَ اللَّيْلِ ۚ إِنَّ الْحَسَنَاتِ يُذْهِبْنَ السَّيِّئَاتِ﴾ [سورة هود: 114] ”اور نماز دن کے دونوں حصوں میں قائم کرو اور کچھ رات گئے بھی، اور بلاشبہ نیکیاں برائیوں کو مٹا دیتی ہیں۔“ اس شخص نے کہا: یا رسول اللہ! کیا یہ صرف میرے لیے ہے؟ تو آپ صلی اللہ علیہ وسلم نے فرمایا: ”نہیں، بلکہ میری تمام امت کے لیے یہی حکم ہے۔“ [اللؤلؤ والمرجان/كتاب التوبة/حدیث: 1758]

سیدنا انس بن مالک رضی اللہ عنہ نے بیان کیا کہ میں نبی کریم صلی اللہ علیہ وسلم کے پاس تھا کہ ایک صاحب کعب بن عمرو آئے اور کہا، یا رسول اللہ! مجھ پر حد واجب ہو گئی ہے، آپ مجھ پر حد جاری کیجیے۔ بیان کیا کہ آنسیدنا صلی اللہ علیہ وسلم نے ان سے کچھ نہیں پوچھا یہاں تک کہ نماز کا وقت ہو گیا اور ان صاحب نے بھی آنسیدنا صلی اللہ علیہ وسلم کے ساتھ نماز پڑھی۔ جب آپ صلی اللہ علیہ وسلم نماز پڑھ چکے تو پھر وہ آنسیدنا صلی اللہ علیہ وسلم کے پاس آ کر کھڑے ہو گئے اور کہا، یا رسول اللہ! مجھ پر حد واجب ہو گئی ہے، آپ کتاب اللہ کے حکم کے مطابق مجھ پر حد جاری کیجیے۔ آنسیدنا صلی اللہ علیہ وسلم نے اس پر فرمایا: ”کیا تم نے ابھی ہمارے ساتھ نماز نہیں پڑھی ہے؟“ انہوں نے کہا، ہاں۔ آنسیدنا صلی اللہ علیہ وسلم نے فرمایا کہ ”پھر اللہ نے تیرا گناہ معاف کر دیا۔“ یا فرمایا کہ ”تیری غلطی یا حد (معاف کر دی)۔“ [اللؤلؤ والمرجان/كتاب التوبة/حدیث: 1759]