حضرت شعبی فرماتے ہیں کہ جانور کے نتھنوں سے نکلنے والی رطوبت میں کوئی حرج نہیں۔ [مصنف ابن ابي شيبه/كتاب الطهارة/حدیث: 1165]

حضرت حسن فرماتے ہیں کہ گدھے کے لعاب میں کوئی حرج نہیں۔ [مصنف ابن ابي شيبه/كتاب الطهارة/حدیث: 1166]

حضرت حماد فرماتے ہیں کہ جانور کے منہ سے نکلنے والی جھاگ سے بچو۔ [مصنف ابن ابي شيبه/كتاب الطهارة/حدیث: 1167]

حضرت ابن علیہ فرماتے ہیں کہ میں نے یونس سے گدھے کے پسینے اور اس کے لعاب کے بارے میں سوال کیا کہ اگر وہ کپڑوں کو لگ جائے تو کیا حکم ہے؟ فرمایا: میں اس میں کوئی حرج نہیں جانتا، البتہ یہ کہ آدمی ان سے گھن محسوس کرے۔ [مصنف ابن ابي شيبه/كتاب الطهارة/حدیث: 1168]

حضرت مغیرہ کہتے ہیں کہ میں نے ابراہیم سے سوال کیا کہ ایک کتا میرے کپڑوں سے لگ گیا ہے۔ اب کیا کروں؟ فرمایا: کیا اس نے تمہیں کسی چیز سے آلودہ کیا؟ میں نے عرض کیا نہیں، فرمایا: پھر کوئی نقصان کی بات نہیں۔ [مصنف ابن ابي شيبه/كتاب الطهارة/حدیث: 1169]

حضرت ابراہیم فرماتے ہیں کہ گدھے کے لعاب میں کوئی حرج نہیں۔ [مصنف ابن ابي شيبه/كتاب الطهارة/حدیث: 1170]