حضرت ابو وائل فرماتے ہیں کہ حضرت عمر نے صحابہ کرام کو جمع فرمایا اور ان سے نماز جنازہ کی تکبیرات کے بارے میں مشورہ کیا (رائے دریافت کی)۔ ان میں سے بعض نے فرمایا نبی کریم صلی اللہ علیہ وآلہ وسلم پانچ تکبیریں پڑھا کرتے تھے اور بعض نے فرمایا سات تکبیرات پڑھا کرتے اور بعض نے فرمایا چار تکبیرات پڑھا کرتے تھے۔ راوی کہتے ہیں کہ پھر حضرت عمر نے ان سب کو چار تکبیرات پر جمع کردیا، جیسے سب سے لمبی نماز (چار رکعت) ہوتی ہے۔ [مصنف ابن ابي شيبه/كتاب الجنائز/حدیث: 11787]

حضرت ابراہیم فرماتے ہیں کہ صحابہ کرام کا نماز جنازہ کی تکبیرات کے بارے میں اختلاف تھا، پھر سب کا چار تکبیرات پر اتفاق ہوگیا۔ [مصنف ابن ابي شيبه/كتاب الجنائز/حدیث: 11788]