حضرت حسن اس شخص کے متعلق فرماتے ہیں جو مناسک حج مکمل کرنے سے قبل فوت ہوجائے، فرماتے ہیں کہ اس کے جو مناسک باقی رہ گئے ہیں وہ اس کی طرف سے پورے کیے جائیں گے۔ [مصنف ابن ابي شيبه/كتاب الحج/حدیث: 14688]

حضرت ابو نھیک فرماتے ہیں کہ میں نے حضرت طاؤس سے دریافت کیا کہ ایک عورت فوت ہوگئی ہے اور اس کے ذمہ ابھی حج کے کچھ مناسک باقی تھے؟ آپ نے فرمایا اس کی طرف سے ادا کیے جائیں گے۔ [مصنف ابن ابي شيبه/كتاب الحج/حدیث: 14689]

(حضرت ابو نھیک فرماتے ہیں کہ) میں نے حضرت قاسم سے اس کے متعلق دریافت کیا؟ آپ نے فرمایا کہ حضرت طاؤس نے جو فرمایا ہے مجھے اس بارے میں تو کوئی علم نہیں ہے (کیونکہ) اللہ تعالیٰ فرماتے ہیں کہ { وَلَا تَزِرُ وَازِرَۃٌ وِّزْرَ اُخْرٰی } [فاطر: 18] ۔ [مصنف ابن ابي شيبه/كتاب الحج/حدیث: 14690]