حضرت ابراہیم رحمہ اللہ فرماتے ہیں کہ خلع طلاق بائنہ ہے اور اسی طرح ایلاء اور مباراۃ بھی۔ [مصنف ابن ابي شيبه/كتاب الطلاق/حدیث: 19353]

حضرت عطاء رحمہ اللہ فرماتے ہیں کہ ہر وہ طلاق جس کا نکاح درست ہو جب میاں بیوی اس نکاح میں جدا ہوں گے (خواہ طلاق کا تکلم نہ کیا ہو) تو وہ ایک طلاق ہوگی، جیسے مباراۃ اور خلع وغیرہ۔ [مصنف ابن ابي شيبه/كتاب الطلاق/حدیث: 19354]

حضرت جعفر کہتے ہیں کہ میں نے حضرت عبد الکریم سے کہا کہ مجھے یہ بات پہنچی ہے کہ حضرت زہری رحمہ اللہ فرمایا کرتے تھے کہ مباراۃ طلاق کی سخت ترین قسم ہے، انہوں نے فرمایا کہ جب مرد عورت سے کوئی چیز لے جس کے ذریعے وہ فدیہ دے تو ہم اسے خلع ہی کے درجہ میں سمجھتے ہیں۔ [مصنف ابن ابي شيبه/كتاب الطلاق/حدیث: 19355]