حضرت قاسم رحمہ اللہ فرماتے ہیں کہ حضرت عمر بن خطاب رضی اللہ عنہ نے اپنی اہلیہ حضرت جمیلہ بنت عاصم بن ثابت بن ابی الاقلح کو طلاق دے دی۔ پھر جمیلہ بنت عاصم نے شادی کرلی۔ تو حضرت عمر رضی اللہ عنہ آئے اور اپنے بیٹے کو لے لیا۔ حضرت جمیلہ کی والدہ شموس بنت ابی عامر انصاریہ نے انہیں جا لیا اور بچے کو لے لیا اور دونوں اس مقدمے کو لے کر حضرت ابوبکر رضی اللہ عنہ کے پاس گئے، اس حال میں کہ دونوں نے بچے کو پکڑا ہوا تھا۔ انہوں نے حضرت عمر رضی اللہ عنہ سے فرمایا کہ اسے اور اس کے بیٹے کو چھوڑ دو۔ پھر وہ بچے کو لے کر چلی گئیں۔ [مصنف ابن ابي شيبه/كتاب الطلاق/حدیث: 20253]