حضرت شہاب فرماتے ہیں کہ تستر کے دروازہ پر میں پہلا شخص تھا جس نے آگ جلائی تھی، حضرت اشعری اپنے گھوڑے سے گرپڑے، پھر جب ہم نے اس کو فتح کیا تو میرے قوم کے دس آدمیوں پر مجھے حکم بنایا، اور تقسیم غنیمت سے قبل میرے اور میرے گھوڑے کے حصہ کے علاوہ مجھے ایک حصہ بطور عطیہ دیا۔ [مصنف ابن ابي شيبه/كتاب السير/حدیث: 35509]

حضرت خالد بن ولید کے بھتیجے سے مروی ہے کہ حضرت حارث نے ان سے فرمایا کہ مجھے کچھ دو، انہوں نے غنیمت تقسیم ہونے سے قبل ان کو خمس دے دیا انہوں نے اس کو ناپسند کیا۔ اور فرمایا جب خمس نکال لو تو پھر مجھے دینا۔ [مصنف ابن ابي شيبه/كتاب السير/حدیث: 35510]

حضرت عمر بن خطاب رضی اللہ عنہارشاد فرماتے ہیں کہ غنیمت تقسیم ہونے سے قبل کسی کو کچھ نہیں دیا جائے گا، سوائے چرواہے، چوکیدار اور جانوروں کے ہانکے والے کے۔ [مصنف ابن ابي شيبه/كتاب السير/حدیث: 35511]

حضرت محمد رحمہ اللہ سے مروی ہے کہ غنیمت تقسیم ہونے سے پہلے حضرت انس رضی اللہ عنہ کے لیے کچھ بھیجا گیا تو انہوں نے انکار کردیا فرمایا کہ جب تک غنیمت تقسیم نہ ہوجائے میں نہ لوں گا۔ [مصنف ابن ابي شيبه/كتاب السير/حدیث: 35512]

حضرت حسن رضی اللہ عنہ فرماتے ہیں کہ خمس نکال نے سے پہلے کسی کو عطیہ نہ دیا جائے گا۔ [مصنف ابن ابي شيبه/كتاب السير/حدیث: 35513]

حضرت حسن فرماتے ہیں کہ عطیہ خمس کے بعد دیا جائے گا۔ [مصنف ابن ابي شيبه/كتاب السير/حدیث: 35514]

حضرت سعید بن المسیب رحمہ اللہ فرماتے ہیں کہ صحابہ کرام j خمس کے بعد عطیہ وغیرہ نکالا کرتے تھے۔ [مصنف ابن ابي شيبه/كتاب السير/حدیث: 35515]

حضرت ابن سیرین رحمہ اللہ سے مروی ہے کہ حضرت انس بن مالک رضی اللہ عنہ حضرت عبید اللہ بن زیاد کے ساتھ جہاد میں شریک ہوئے، راوی فرماتے ہیں کہ حضرت انس رضی اللہ عنہ کو تیس قیدی عطا کیے گئے حضرت انس رضی اللہ عنہ نے دریافت کیا کہ ان کو خمس میں سے بناؤ۔ حضرت انس رضی اللہ عنہ نے اس کو قبول کرنے سے انکار فرما دیا۔ [مصنف ابن ابي شيبه/كتاب السير/حدیث: 35516]