ابراہیم رحمہ اللہ فرماتے ہیں کہ نبی کریم صلی اللہ علیہ وسلم عمرو بن عاص رضی اللہ عنہ کیلئے جھنڈا باندھا۔ [مصنف ابن ابي شيبه/كتاب السير/حدیث: 35858]

حضرت حبیب بن ابی ثابت رحمہ اللہ فرماتے ہیں کہ حضرت صدیق اکبر رضی اللہ عنہ نے حضرت خالد بن ولید سے فرمایا اپنا نیزہ مجھے دو، پھر ان کے لیے اس پر جھنڈا باندھ دیا اور پھر ان سے فرمایا جاؤ اللہ تمہارے ساتھ ہے۔ [مصنف ابن ابي شيبه/كتاب السير/حدیث: 35859]

ابراہیم رحمہ اللہ فرماتے ہیں کہ غزوہ ذات السلاسل میں نبی کریم صلی اللہ علیہ وسلم نے حضرت عمرو بن عاص رضی اللہ عنہ کو جھنڈا باندھ کردیا۔ [مصنف ابن ابي شيبه/كتاب السير/حدیث: 35860]

حضرت عمرہ رحمہا اللہ فرماتی ہیں کہ نبی کریم صلی اللہ علیہ وسلم کا جھنڈا سفید تھا۔ [مصنف ابن ابي شيبه/كتاب السير/حدیث: 35861]