حضرت ابو وائل سے روایت ہے وہ کہتے ہیں کہ ہمارے زمانہ کے قراء کی مثال تو دراہم مزوقہ کی سی ہے یا ان بکریوں کی سی ہے جو کھاری جھاڑیاں چر لیں پھر ان کے پیٹ پھول جائیں۔ پس ان میں سے کوئی بکری ذبح کی جائے تو اس میں کوئی گودا نہ ہو۔ [مصنف ابن ابي شيبه/كتاب الزهد/حدیث: 37642]

حضرت شقیق کے بارے میں روایت ہے وہ وضو کرتے تھے تو شیطان کو کہتے تھے اپنی ہر ضرورت اب لے آؤ۔ [مصنف ابن ابي شيبه/كتاب الزهد/حدیث: 37643]

حضرت اعمش سے روایت ہے وہ کہتے ہیں کہ مجھے ابراہیم نے کہا: تم حضرت شقیق کو لازم پکڑو۔ کیونکہ میں نے حضرت عبداللہ کے ساتھیوں کو پایا وہ بہت زیادہ تھے لیکن وہ ان کو اپنے بہترین لوگوں میں شمار کرتے تھے۔ [مصنف ابن ابي شيبه/كتاب الزهد/حدیث: 37644]