حکم رحمہ اللہ نے اللہ عزوجل کے اس فرمان ﴿وَجَعَلَكُمْ مُلُوكًا﴾ کی تفسیر میں فرمایا: بنی اسرائیل میں جس کے پاس گھر اور خادم ہوتا تھا، وہی بادشاہ سمجھا جاتا تھا۔ [سنن سعید بن منصور/كِتَابُ التَّفْسِيرِ/حدیث: 725]

سیدنا عبد اللہ بن عمرو بن العاص رضی اللہ عنہما سے ایک شخص نے پوچھا: کیا ہم مہاجرین میں سے فقراء نہیں؟ تو آپ رضی اللہ عنہما نے اس سے پوچھا: کیا تمہارے پاس بیوی ہے جس کے پاس تم جاؤ؟ اس نے کہا: ہاں۔ فرمایا: تمہارے پاس رہنے کا مکان ہے؟ اس نے کہا: ہاں۔ فرمایا: تم مالداروں میں سے ہو۔ اس نے کہا: میرے پاس ایک خادم بھی ہے۔ فرمایا: تب تو تم بادشاہوں میں سے ہو۔ [سنن سعید بن منصور/كِتَابُ التَّفْسِيرِ/حدیث: 726]