سیدنا ابن عباس رضی اللہ عنہما اس آیت کو یوں پڑھتے تھے: «حَمَلَتْ حَمْلًا خَفِيفًا فَاسْتَمَرَّتْ بِهِ» ۔ [سنن سعید بن منصور/كِتَابُ التَّفْسِيرِ/حدیث: 972]

سیدنا ابن عباس رضی اللہ عنہما سے اس آیت ﴿فَلَمَّا أَثْقَلَتْ دَعَوَا اللَّهَ رَبَّهُمَا لَئِنْ آتَيْتَنَا صَالِحًا لَنَكُونَنَّ مِنَ الشَّاكِرِينَ * فَلَمَّا آتَاهُمَا صَالِحًا جَعَلَا لَهُ شُرَكَاءَ فِيمَا آتَاهُمَا﴾ کے بارے میں مروی ہے کہ جب سیدہ حوا علیہا السلام حاملہ ہوئیں تو ابلیس ان کے پاس آیا اور کہا: میں ہی وہ ہوں جس نے تم دونوں کو جنت سے نکلوایا، اگر میری اطاعت نہ کی تو میں تیرے بچے کو دو سینگوں والا بنا دوں گا کہ وہ تیرا پیٹ چاک کر دے گا یا مردہ پیدا ہوگا، چنانچہ بچہ مردہ پیدا ہوا، پھر دوبارہ حمل ٹھہرا تو ابلیس نے پھر یہی کہا، سیدہ حوا علیہا السلام نے پوچھا: کس بات میں تیری اطاعت کروں؟ اس نے کہا: بچے کا نام عبد الحارث رکھ دینا، پس انہوں نے ایسا کیا تو بچہ صحیح سلامت پیدا ہوا، یہی اللہ عزوجل کا فرمان ہے ﴿جَعَلَا لَهُ شُرَكَاءَ فِيمَا آتَاهُمَا﴾، اور عکرمہ رحمہ اللہ نے کہا کہ یہ حکم صرف سیدنا آدم علیہ السلام کے ساتھ خاص نہیں بلکہ ان کے بعد تمام لوگوں کے لیے عام ہے۔ [سنن سعید بن منصور/كِتَابُ التَّفْسِيرِ/حدیث: 973]