حسن بصری رحمہ اللہ نے کہا: ”جاہلیت میں ایک آدمی دوسرے سے معاہدہ کرتا کہ میں تمہارا وارث ہوں اور تم میرے، تو معاہدہ کرنے والے کو چھٹا حصہ ملتا، پھر وارث لوگ بقیہ مال تقسیم کر لیتے تھے، پھر اللہ تعالیٰ نے ’وَأُولُو الْأَرْحَامِ بَعْضُهُمْ أَوْلَى بِبَعْضٍ‘ [الأحزاب: 6] کے ذریعے اسے منسوخ کر دیا۔“ [سنن سعید بن منصور/كِتَابُ وِلَايَةِ الْعَصَبَةِ/حدیث: 1436]

مجاہد رحمہ اللہ نے اللہ تعالیٰ کے فرمان ’وَلِكُلٍّ جَعَلْنَا مَوَالِيَ‘ [النساء: 33] کی تفسیر میں کہا: ”مراد عصبات ہیں۔“ اور ’وَالَّذِينَ عَاقَدَتْ أَيْمَانُكُمْ‘ کی تفسیر میں کہا: ”مراد حلیف ہیں۔“ اور ’فَآتُوهُمْ نَصِيبَهُمْ‘ [النساء: 33] کا مطلب دیا ہے: ”دیت، مدد اور نفقہ۔“ [سنن سعید بن منصور/كِتَابُ وِلَايَةِ الْعَصَبَةِ/حدیث: 1437]