علاء بن عبدالرحمن بیان کرتے ہیں کہ میں سیدنا انس بن مالک رضی اللہ عنہ کی خدمت میں حاضر ہوا، میں اور میرے ساتھ ایک اور صاحب تھے، ہم ظہر کے بعد ان کی خدمت میں حاضر ہوئے تو انہوں نے دریافت کیا: کیا تم لوگوں نے عصر کی نماز پڑھ لی ہے؟ ہم نے جواب دیا: جی نہیں! تو انہوں نے فرمایا: تم دونوں حجرہ میں نماز ادا کر لو۔ ہم اس سے فارغ ہو گئے، انہوں نے نماز طویل ادا کی، جب وہ نماز پڑھ کر ہماری طرف متوجہ ہوئے تو انہوں نے سب سے پہلے ہم سے یہ کہا کہ نبی اکرم صلی اللہ علیہ وسلم نے یہ بات ارشاد فرمائی ہے: ”یہ منافقین کی نماز ہے، ان میں سے کوئی شخص نماز کو مؤخر کرتا رہتا ہے، یہاں تک کہ جب سورج شیطان کے دو سینگوں کے درمیان پہنچ جاتا ہے، تو وہ شخص اٹھ کر چار مرتبہ ٹھونگیں مارتا ہے، وہ نماز میں اللہ تعالیٰ کا ذکر بہت کم کرتا ہے۔“ [صحیح ابن حبان/كِتَابُ الإِيمَانِ/حدیث: 259]