سیدنا ابی بن کعب رضی اللہ عنہ بیان کرتے ہیں کہ نبی اکرم صلی اللہ علیہ وسلم اپنے سے پہلے جن بھی انبیاء کا ذکر کرتے تھے، تو پہلے آپ صلی اللہ علیہ وسلم اپنا ذکر کرتے تھے۔ ایک دن آپ صلی اللہ علیہ وسلم نے ارشاد فرمایا: ” «رَحْمَةُ اللهِ عَلَيْنَا وَعَلَى مُوسَى» ”اللہ تعالیٰ ہم پر اور سیدنا موسیٰ علیہ السلام پر رحمت کرے“، اگر وہ اپنے ساتھی (یعنی سیدنا خضر علیہ السلام) کے ساتھ صبر سے کام لیتے، تو وہ خود بھی حیران کن چیزیں دیکھتے لیکن انہوں نے یہ کہا: ﴿قَالَ إِنْ سَأَلْتُكَ عَنْ شَيْءٍ بَعْدَهَا فَلَا تُصَاحِبْنِي﴾ [سورة الكهف: 76] ”اگر میں نے آپ سے اس کے بعد کوئی سوال کیا، تو آپ میرے ساتھ نہ رہیے گا۔““ [صحیح ابن حبان/كِتَابُ الرَّقَائِقِ/حدیث: 988]