سیدنا ابوبصرہ غفاری رضی اللہ عنہ بیان کرتے ہیں: نبی اکرم صلی اللہ علیہ وسلم نے ہمیں عصر کی نماز پڑھائی، جب آپ صلی اللہ علیہ وسلم نماز پڑھ کر فارغ ہوئے تو آپ صلی اللہ علیہ وسلم نے ارشاد فرمایا: ”یہ نماز تم سے پہلے لوگوں کے سامنے بھی پیش کی گئی تھی، تو انہوں نے اسے ضائع کر دیا اور اسے چھوڑ دیا، تم میں سے جو شخص اسے ادا کرے گا، اسے اس کا دُگنا اجر ملے گا، اور اس کے بعد کوئی نماز ادا نہیں کی جائے گی جب تک شاہد (ستارہ) نظر نہیں آ جاتا۔“ (راوی بیان کرتے ہیں) شاہد سے مراد ستارہ ہے۔ [صحیح ابن حبان/كِتَابُ الصَّلَاةِ/حدیث: 1471]