اسود بن یزید بیان کرتے ہیں: سیدہ عائشہ رضی اللہ عنہا نے مجھے دیکھا، میں اپنے کپڑے پر سے جنابت کے نشان کو دھو رہا تھا: تو انہوں نے فرمایا: یہ کیا ہے میں نے جواب دیا: یہ جنابت کا نشان ہے، جو میرے کپڑے پر لگ گیا تھا تو سیدہ عائشہ رضی اللہ عنہا نے فرمایا: مجھے اپنے بارے میں یہ بات یاد ہے، یہ نبی اکرم صلی اللہ علیہ وسلم کے کپڑے پر بھی لگتا تھا تو آپ یہ فرماتے تھے، ہم اس طرح اسے کھرچ دیں۔ [صحیح ابن حبان/كِتَابُ الصَّلَاةِ/حدیث: 2332]

سیدنا جابر بن سمرہ رضی اللہ عنہ بیان کرتے ہیں: ایک شخص نے نبی اکرم صلی اللہ علیہ وسلم سے سوال کیا میں اس کپڑے میں نماز ادا کر سکتا ہوں، جس کو پہن کر میں نے اپنی بیوی کے ساتھ صحبت کی تھی؟ نبی اکرم صلی اللہ علیہ وسلم نے ارشاد فرمایا: جی ہاں البتہ اگر تم اس میں کوئی چیز دیکھو تو اسے دھو لو۔ [صحیح ابن حبان/كِتَابُ الصَّلَاةِ/حدیث: 2333]