سیدنا عبداللہ رضی اللہ عنہ روایت کرتے ہیں کہ نبی اکرم صلی اللہ علیہ وسلم نے ارشاد فرمایا: ”میں قیامت کے دن تمام اولادِ آدم کا سردار ہوں گا اور یہ بات فخر سے نہیں کہہ رہا، اور سب سے پہلے میرے لیے زمین کو شق کیا جائے گا، اور سب سے پہلے میں شفاعت کروں گا اور میری شفاعت قبول کی جائے گی، اور میرے ہاتھ میں «لِوَاءُ الْحَمْدِ» ”لواء الحمد“ ہو گا، اور سیدنا آدم علیہ السلام اور ان کے علاوہ سب لوگ میرے نیچے (یعنی اس جھنڈے کے نیچے) ہوں گے۔“ [صحیح ابن حبان/كِتَابُ التَّارِيخِ/حدیث: 6478]