سیدنا ابوسعید خدری رضی اللہ عنہ سے روایت ہے کہ نبی اکرم صلی اللہ علیہ وسلم نے ارشاد فرمایا: ”میت کو اس کے انہی کپڑوں میں زندہ کیا جائے گا جن میں اس کا انتقال ہوا تھا۔“ (امام ابن حبان رحمہ اللہ فرماتے ہیں:) نبی اکرم صلی اللہ علیہ وسلم کے اس فرمان ”میت کو اس کے انہی کپڑوں میں زندہ کیا جائے گا جن میں اس کا انتقال ہوا تھا“ سے آپ کی مراد میت کے اعمال ہیں۔ جیسا کہ اللہ تعالیٰ نے فرمایا: ﴿وَثِيَابَكَ فَطَهِّرْ﴾ [سورة المدثر: 4] ”اور اپنے کپڑوں کو پاک رکھیے۔“ اس سے مراد یہ ہے کہ اپنے اعمال کو پاک کریں اور انہیں ٹھیک کریں۔ اس سے یہ مراد نہیں ہے کہ میت کو انہی کپڑوں میں زندہ کیا جائے گا جن میں اس کا انتقال ہوا تھا؛ کیونکہ تمام تر روایات میں نبی اکرم صلی اللہ علیہ وسلم کی طرف سے اس بات کی صراحت موجود ہے کہ لوگوں کو قیامت کے دن برہنہ پا، برہنہ جسم اور بغیر ختنہ کیے اٹھایا جائے گا۔ [صحیح ابن حبان/كِتَابُ إِخْبَارِهِ ﷺ عَنْ مَنَاقِبِ الصَّحَابَةِ رِجَالِهِمْ وَنِسَائِهِمْ بِذِكْرِ أَسْمَائِهِمْ رِضْوَانُ اللَّهِ عَلَيْهِمْ أَجْمَعِينَ/حدیث: 7316]

ابراہیم رحمہ اللہ فرماتے ہیں: (ارشاد باری تعالیٰ ہے) ﴿وَثِيَابَكَ فَطَهِّرْ﴾ [سورة المدثر: 4] اور تم اپنے کپڑے کو پاک کرو، وہ کہتے ہیں: اس سے مراد یہ ہے کہ اپنے عمل کو ٹھیک کرو۔ [صحیح ابن حبان/كِتَابُ إِخْبَارِهِ ﷺ عَنْ مَنَاقِبِ الصَّحَابَةِ رِجَالِهِمْ وَنِسَائِهِمْ بِذِكْرِ أَسْمَائِهِمْ رِضْوَانُ اللَّهِ عَلَيْهِمْ أَجْمَعِينَ/حدیث: 7317]