سیدنا ابوموسیٰ اشعری رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”اللہ تعالیٰ قیامت کے دن تمام دنوں کو ان کی اصل حالت میں اٹھائے گا اور جمعہ کے دن کو نہایت چمکدار اور روشن اٹھائے گا، جمعہ والے اسے اس طرح گھیرے ہوئے ہوں گے جیسے دلہن کو اس کے معزز شوہر کی طرف رخصت کیا جاتا ہے، وہ دن ان کے لیے روشنی کرے گا اور وہ اس کے نور میں چلیں گے، ان کے رنگ برف کی طرح سفید ہوں گے اور ان کی خوشبو مشک کی طرح مہک رہی ہوگی، وہ کافور کے پہاڑوں میں گھوم رہے ہوں گے، جن و انس انہیں حیرت سے پلک جھپکائے بغیر دیکھ رہے ہوں گے یہاں تک کہ وہ جنت میں داخل ہو جائیں گے، ان کے ساتھ صرف خالص نیت سے اذان دینے والے (مؤذن) ہی شامل ہوں گے۔“
یہ ایک شاذ لیکن صحیح الاسناد حدیث ہے، کیونکہ ابو معید شامیوں کے ان ثقہ راویوں میں سے ہیں جن کی حدیث جمع کی جاتی ہے، اور ہیثم بن حمید بھی اکابرینِ شام میں سے ہیں، مگر شیخین نے ان دونوں سے روایت نہیں کی۔ [المستدرك على الصحيحين/كِتَابُ الْجُمُعَةِ/حدیث: 1040]