سیدنا عبداللہ بن مسعود رضی اللہ عنہ سے روایت ہے کہ رسول اللہ صلی اللہ علیہ وسلم کی دعاؤں میں سے یہ بھی تھی: «اللَّهُمَّ إِنِّي أَعُوذُ بِكَ مِنْ عِلْمٍ لَا يَنْفَعُ، وَقَلْبٍ لَا يَخْشَعُ، وَدُعَاءٍ لَا يُسْمَعُ، وَنَفْسٍ لَا تَشْبَعُ، وَمِنَ الْجُوعِ، فَإِنَّهُ بِئْسَ الضَّجِيعُ، وَمِنَ الْخِيَانَةِ فَبِئْسَتِ الْبِطَانَةُ، وَمِنَ الْكَسَلِ وَالْبُخْلِ وَالْجُبْنِ، وَمِنَ الْهَرَمِ، وَمَنْ أَنْ أُرَدَّ إِلَى أَرْذَلِ الْعُمُرِ، وَمِنْ فِتْنَةِ الدَّجَّالِ، وَعَذَابِ الْقَبْرِ، وَفِتْنَةِ الْمَحْيَا وَالْمَمَاتِ، اللَّهُمَّ إِنَّا نَسْأَلُكَ قُلُوبًا أَوَّاهَةً مُخْبِتَةً مُنِيبَةً فِي سَبِيلِكَ، اللَّهُمَّ إِنَّا نَسْأَلُكَ عَزَائِمَ مَغْفِرَتِكَ، وَمُنْجِيَاتِ أَمْرِكَ، وَالسَّلَامَةَ مِنْ كُلِّ إِثْمٍ، وَالْغَنِيمَةَ مِنْ كُلِّ بِرٍّ، وَالْفَوْزَ بِالْجَنَّةِ، وَالنَّجَاةَ مِنَ النَّارِ» ”اے اللہ! میں تیری پناہ مانگتا ہوں ایسے علم سے جو نفع نہ دے، ایسے دل سے جو (تیرے خوف سے) نہ جھکے، ایسی دعا سے جو سنی نہ جائے (قبول نہ ہو)، اور ایسے نفس سے جو سیر نہ ہو، اور میں بھوک سے پناہ مانگتا ہوں کیونکہ وہ بدترین ہم نشین ہے، اور خیانت سے پناہ مانگتا ہوں کیونکہ وہ بدترین اندرونی خصلت ہے، اور سستی، بخل، بزدلی، انتہائی بڑھاپے اور اس بات سے کہ میں نکمی عمر کی طرف لوٹا دیا جاؤں پناہ مانگتا ہوں، نیز دجال کے فتنے، قبر کے عذاب اور زندگی و موت کی آزمائشوں سے پناہ مانگتا ہوں، اے اللہ! ہم تجھ سے ایسے دلوں کا سوال کرتے ہیں جو تیری راہ میں آہ و زاری کرنے والے، عاجزی اختیار کرنے والے اور تیری طرف رجوع کرنے والے ہوں، اے اللہ! ہم تجھ سے تیری مغفرت کو لازم کرنے والے اسباب، تیرے حکم کے نجات دہندہ پہلوؤں، ہر گناہ سے سلامتی، ہر نیکی کی وافر مقدار، جنت کی کامیابی اور آگ سے نجات کا سوال کرتے ہیں۔“ اور آپ صلی اللہ علیہ وسلم جب سجدہ کرتے تو فرماتے: «اللَّهُمَّ سَجَدَ لَكَ سَوَادِي وَخَيَالِي، وَبِكَ آمَنَ فُؤَادِي، أَبُوءُ بِنِعْمَتِكَ عَلَيَّ، وَهَذَا مَا جَنَيْتُ عَلَى نَفْسِي، يَا عَظِيمُ، يَا عَظِيمُ، اغْفِرْ لِي، فَإِنَّهُ لَا يَغْفِرُ الذُّنُوبَ الْعَظِيمَةَ إِلَّا الرَّبُّ الْعَظِيمُ» ”اے اللہ! تیرے حضور میرے وجود اور میری روح نے سجدہ کیا، میرا دل تجھ پر ایمان لایا، میں تیری نعمتوں کا اعتراف کرتا ہوں اور یہ وہ گناہ ہیں جو میں نے اپنے نفس پر کیے، اے بہت بڑے رب! اے بہت بڑے رب! مجھے بخش دے کیونکہ بڑے گناہوں کو بڑے رب کے سوا کوئی معاف نہیں کر سکتا۔“
یہ حدیث صحیح الاسناد ہے، البتہ شیخین نے حمید الاعرج الکوفی سے روایت نہیں کی، انہوں نے حمید بن قیس الاعرج المکی کی روایت کی تخریج پر اتفاق کیا ہے۔ حدیث کے ابتدائی حصے (چار چیزوں سے پناہ) کے بارے میں سیدنا ابوہریرہ اور سیدنا عبداللہ بن عمرو سے بھی روایات منقول ہیں۔ [المستدرك على الصحيحين/كتاب الدعاء والتكبير والتهليل والتسبيح والذكر/حدیث: 1978]