سیدنا عبداللہ بن عباس رضی اللہ عنہما اللہ تعالیٰ کے ارشاد: کُنْتُمْ خَیْرَ اُمَّۃٍ اُخْرِجَتْ لِلنَّاسِ (آل عمران: 110) ” تم بہتر ہو ان سب امتوں میں جو لوگوں میں ظاہر ہوئیں “۔ (، م) کے متعلق فرماتے ہیں (یہ فضیلت ان لوگوں کی ہے) جنہوں نے رسول اللہ صلی اللہ علیہ وسلم کے ہمراہ مکہ سے مدینۃ المنورہ کی طرف ہجرت کی۔ ٭٭ یہ حدیث امام مسلم رحمۃ اللہ علیہم کے معیار کے مطابق صحیح ہے لیکن شیخین رحمۃ اللہ علیہما نے اسے نقل نہیں کیا۔ [المستدرك على الصحيحين/كِتَابُ التَّفْسِيرِ/حدیث: 3198]

سیدنا ابوامیہ بن یعلیٰ الثقفی رضی اللہ عنہ فرماتے ہیں: سیدنا موسیٰ بن عقبہ رضی اللہ عنہ نے یہ آیت: وَسَارِعُوْآ اِلٰی مَغْفِرَۃٍ مِّنْ رَّبِّکُمْ (آل عمران: 133) ” اور دوڑو اپنے رب کی بخشش کی طرف “ (، م) تلاوت کی اور سیدنا ابی بن کعب رضی اللہ عنہ کے حوالے سے رسول اللہ صلی اللہ علیہ وسلم کا یہ ارشاد سنایا ” جو شخص یہ چاہتا ہو کہ اس کے لیے اونچا محل بنایا جائے اور اس کے درجات بلند کیے جائیں، اس کو چاہیے کہ اس شخص کو معاف کر دے جو اس پر ظلم کرے، اس کو عطا کرے جو اس کو محروم رکھے اور اس کے ساتھ ملتا رہے جو اس سے قطع تعلقی کرے “۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اسے نقل نہیں کیا۔ [المستدرك على الصحيحين/كِتَابُ التَّفْسِيرِ/حدیث: 3199]