سعد بن ہشام کہتے ہیں: میں نے ام المومنین سیدہ عائشہ رضی اللہ عنہا سے عرض کی: آپ مجھے رسول اللہ صلی اللہ علیہ وسلم کی قراءت کے متعلق کچھ بتائیں۔ آپ نے فرمایا: جب حضور صلی اللہ علیہ وسلم پر یہ آیات نازل ہوئیں: یٰٓاَیُّھَا الْمُزَّمِّلُ قُمِ الَّیْلَ اِلَّا قَلِیْلًا (المزمل: 1، 2) ” اے جھرمٹ مارنے والے، رات میں قیام فرما سوا کچھ رات کے۔“ تو صحابہ کرام رضوان اللہ علیہم اجمعین نے سال بھر قیام کیا کہ ان کے پاؤں سوجھ گئے تو اللہ تعالیٰ نے یہ آیات نازل فرمائیں: فَاقْرَئُوْا مَا تَیَسَّرَ مِنَ الْقُرْاٰنِ (المزمل: 20) ” اب قرآن میں سے جتنا تم پر آسان ہو اتنا پڑھو۔“ وہ جانتا ہے کہ عنقریب تم میں کئی لوگ بیمار بھی ہوں گے۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اسے نقل نہیں کیا۔ [المستدرك على الصحيحين/كِتَابُ التَّفْسِيرِ/حدیث: 3903]

سیدنا جبیر ابن نضیر رضی اللہ عنہ کہتے ہیں: میں حج کرنے گیا تو ام المومنین سیدہ عائشہ صدیقہ رضی اللہ عنہا کی خدمت میں حاضر ہوا اور ان سے رسول اللہ صلی اللہ علیہ وسلم کے قیام کے بارے میں پوچھا تو انہوں نے فرمایا: کیا تم سورۃ مزمل نہیں پڑھتے ہو؟ میں نے کہا: کیوں نہیں۔ انہوں نے فرمایا: یہی تو ان کا قیام ہے۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اسے نقل نہیں کیا۔ [المستدرك على الصحيحين/كِتَابُ التَّفْسِيرِ/حدیث: 3904]

سیدنا عبداللہ بن عباس رضی اللہ عنہما:”یٰٓاَیُّھَا الْمُزَّمِّلُ“ (کے بعد یوں تفسیر کرتے ہیں) تم نے یہ معاملہ چھپا لیا ہے۔ تم اس کو لے کر اٹھ کھڑے ہو۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اسے نقل نہیں کیا۔ [المستدرك على الصحيحين/كِتَابُ التَّفْسِيرِ/حدیث: 3905]

سیدنا عبداللہ بن عباس رضی اللہ عنہما فرماتے ہیں: جب سورۃ مزمل کی ابتدائی آیات نازل ہوئیں تو صحابہ کرام رضوان اللہ علیہم اجمعین نے رمضان کی راتوں کے قیام کی طرح عام دنوں میں بھی قیام شروع کر دیا اور یہ سلسلہ اس سورۃ کی آخری آیات نازل ہونے تک جاری رہا اور سورۃ مزمل کی شروع کی آیات اور آخر کی آیات کے نزول میں ایک سال کا وقفہ ہے۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اسے نقل نہیں کیا۔ [المستدرك على الصحيحين/كِتَابُ التَّفْسِيرِ/حدیث: 3906]