سیدنا ابو موسیٰ اشعری رضی اللہ عنہ سے روایت ہے، انہوں نے فرمایا: ”جب اللہ تعالیٰ نے آدم علیہ السلام کو جنت سے نکالا تو انہیں جنت کے پھل زادِ راہ کے طور پر دیے، اور انہیں ہر چیز کے بنانے کا ہنر سکھایا۔ پس تمہارے یہ پھل بھی جنت کے پھلوں میں سے ہیں، سوائے اس کے کہ یہ (دنیاوی پھل) خراب ہو جاتے ہیں، اور وہ (جنت کے پھل) خراب نہیں ہوتے۔“
اس حدیث کی سند صحیح ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ: تَوَارِيخِ الْمُتَقَدِّمِينَ مِنَ الْأَنْبِيَاءِ وَالْمُرْسَلِينَ/حدیث: 4040]