سیدنا ابورافع رضی اللہ عنہ بیان کرتے ہیں کہ رسول اللہ صلی اللہ علیہ وسلم نے پیر کے دن نماز پڑھی، آپ کے ہمراہ ام المومنین سیدہ خدیجہ رضی اللہ عنہا نے بھی نماز پڑھی۔ آپ نے سیدنا علی رضی اللہ عنہ کے سامنے منگل کے دن اسلام پیش کیا، تو وہ اسلام لے آئے، انہوں نے عرض کی مجھے اجازت دیجئے کہ میں ابوطالب کو بھی نماز کے لئے بلا لاؤں۔ لیکن رسول اللہ صلی اللہ علیہ وسلم نے فرمایا: یہ تو امانت ہے۔ راوی کہتے ہیں: پھر سیدنا علی رضی اللہ عنہ نے کہا: ٹھیک ہے، میں نماز پڑھتا ہوں، چنانچہ منگل ہی کے دن سیدنا علی رضی اللہ عنہ نے آپ علیہ السلام کے ہمراہ نماز پڑھی۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 4901]