سیدنا انس رضی اللہ عنہ فرماتے ہیں کہ سیدنا جبریل امین علیہ السلام نبی اکرم صلی اللہ علیہ وسلم کی خدمت میں حاضر ہوئے، اس وقت ام المومنین سیدہ خدیجہ رضی اللہ عنہا آپ صلی اللہ علیہ وسلم کے پاس موجود تھیں، سیدنا جبریل امین علیہ السلام بولے: اے خدیجہ رضی اللہ عنہا! اللہ تعالیٰ نے آپ کو سلام بھیجا ہے، تو ام المومنین رضی اللہ عنہا نے جواباً فرمایا: بے شک اللہ تعالیٰ (کا نام) سلام ہے اور (اے جبریل علیہ السلام) تم پر بھی سلامی ہو اور اللہ تعالیٰ کی رحمت ہو۔ ٭٭ یہ حدیث امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اس کو نقل نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 4916]