سیدنا عبداللہ بن عمر رضی اللہ عنہما فرماتے ہیں: سیدنا عمر رضی اللہ عنہ، سیدنا معاذ رضی اللہ عنہ کے پاس سے گزرے تو سیدنا معاذ رضی اللہ عنہ رو رہے تھے، سیدنا عمر رضی اللہ عنہ نے رونے کی وجہ دریافت کی۔ تو انہوں نے کہا: ایک حدیث ہے جو میں نے رسول اللہ صلی اللہ علیہ وسلم سے سن رکھی ہے (وہ یہ ہے) چھوٹے سے چھوٹا ریاء بھی شرک ہے اور اللہ تعالیٰ کو سب سے زیادہ پسند وہ لوگ ہیں جو متقی اور پرہیزگار ہیں اور ان کی عبادات لوگوں کی نگاہوں سے پوشیدہ ہوں، وہ کسی محفل سے غائب ہوں تو کوئی ان کی کمی محسوس نہیں کرتا، اور کسی محفل میں موجود ہوں تو کوئی پہچانتا نہیں ہے، یہی لوگ ہدایت کے امام ہیں اور علم کے شمعیں ہیں۔ ٭٭ یہ حدیث صحیح الاسناد ہے لیکن شیخین رحمۃ اللہ علیہما نے اس کو نقل نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5263]