سیدنا زید بن اسلم فرماتے ہیں کہ سیدنا عمر رضی اللہ عنہ نے سیدنا سعید بن عامر بن حذیم سے کہا: کیا وجہ ہے کہ اہل شام تم سے اتنی والہانہ محبت کیوں کرتے ہیں؟ انہوں نے کہا: میں عوام کی رعایت اور ان کی مدد کرتا ہوں، سیدنا عمر رضی اللہ عنہ نے انعام کے طور پر دس ہزار درہم ان کو پیش کئے لیکن انہوں نے یہ کہتے ہوئے وہ سب کچھ لینے سے انکار کر دیا کہ میرے پاس اپنے خدام اور گھوڑے وغیرہ موجود ہیں۔ اور میں خود بھی بخیر و عافیت ہوں، میں یہ چاہتا ہوں کہ میرا یہ عمل مسلمانوں کے لیے صدقہ جاریہ بن جائے۔ سیدنا عمر رضی اللہ عنہ نے ان کو ایسا کرنے سے منع فرما دیا۔ اور فرمایا: رسول اللہ صلی اللہ علیہ وسلم نے تم سے بھی کم مال مجھے عطا فرمایا تھا، اور میں نے بھی تیرے ہی جیسا جواب دیا تھا تو رسول اللہ صلی اللہ علیہ وسلم نے مجھے فرمایا: جب اللہ تعالیٰ تجھے وہ مال عطا کرے جو تو نے طلب نہیں کیا تھا اور نہ ہی تیرے نفس کو اس کی جانب کوئی خاص دلچسپی ہو تو وہ مال لے لیا کرو کیونکہ وہ اللہ تعالیٰ کا خاص رزق ہے جو اس نے تمہیں عطا فرمایا ہے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5336]