محمد بن عمران کا نسب یوں بیان کرتے ہیں ” براء بن مالک بن نضر بن ضمضم بن زید بن حرام بن جندب بن عامر بن غنم بن عدی بن نجار “ ان کی والدہ ” ام سلیم بنت ملحان “ ہیں۔ یہ سیدنا انس رضی اللہ عنہ کے حقیقی بھائی ہیں۔ غزوہ احد، خندق اور تمام غزوات میں رسول الله صلی اللہ علیہ وسلم کے ہمراہ شریک رہے، آپ بہت دلیر آدمی تھے، اور جنگ میں آپ کا ایک نام تھا۔ ٭٭ ابن سیرین کا بیان ہے کہ سیدنا عمر رضی اللہ عنہ نے اپنے ایک مکتوب میں لکھا تھا کہ براء بن مالک رضی اللہ عنہ کو کسی فوج کا سپہ سالار نہ بنانا کیونکہ یہ موت سے نہیں ڈرتا یہ سب کو ساتھ لے کر شہید کروا دے گا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5353]

0 [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5353M]