سیدنا سعید بن مسیب رضی اللہ عنہ فرماتے ہیں: جب سیدنا عمر بن خطاب رضی اللہ عنہ نے مسجد نبوی شریف کی توسیع کا پروگرام بنایا تو سیدنا عباس بن عبدالمطلب رضی اللہ عنہ کے مکان کے معاملے میں جھگڑا ہو گیا، اس کے بعد سابقہ حدیث کی طرح حديث نقل کی۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5517]

سیدنا ابورزین رضی اللہ عنہ فرماتے ہیں: میں نے سیدنا عباس رضی اللہ عنہ سے کہا: آپ رسول اللہ صلی اللہ علیہ وسلم کی بارگاہ میں درخواست پیش کریں کہ وہ آپ کو صدقات کی وصولی کا نگران بنا دیں۔ انہوں نے رسول الله صلی اللہ علیہ وسلم کی بارگاہ میں عرض کر دی۔ رسول اللہ صلی اللہ علیہ وسلم نے فرمایا: میں تجھے لوگوں کے گناہوں کے دھوون کا نگران نہیں بنا سکتا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5518]

اور ایک دوسری اسناد کے ہمراہ سیدنا علی رضی اللہ عنہ سے مروی ہے آپ فرماتے ہیں کہ میں نے سیدنا عباس رضی اللہ عنہ سے کہا: آپ نبی اکرم صلی اللہ علیہ وسلم سے ہمارے لئے دربانی کی سفارش کر دیں، رسول اللہ صلی اللہ علیہ وسلم نے فرمایا: میں تمہیں وہ چیز دوں گا جو اس سے بہتر ہے۔ تم پانی پلایا کرو، وہ تمہیں مال دے گا تم اس کو مال نہیں دو گے۔ ٭٭ مذکورہ دونوں حدیثیں صحیح الاسناد ہے لیکن شیخین رحمۃ اللہ علیہما نے اس کو نقل نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5519]